Shillong: Ka lumpung ialehkai iakura ka X1.In Championship, kaba dei ka national mixed martial arts (MMA) ka shong shit bha ha ka nongbah Shillong kaban neh ar sngi, ha ka sngi Saitjain bad ka sngi u Blei ha Laban SC Indoor Stadium.
Ha kane ka jingiakhun, u nongiakura na kane ka jylla, u Johnny Nongrum u la pylliem ia u Aditya Sanil ha ka jingiakhun ban iaknieh nam lahduh ha ka kyrdan kiba la tbit.
U Johnny u la pylliem ia u Sanil da 29-28, 29-28, 29-28 point.
La pynbam smam ia ka kamra peit kai da ka jingwan sakhi ki nongpeit kai na kylleng ki jaka ha ka nongbah.
Nalor u Johnny, ki don 13 ngut kiwei pat ki nongialehkai na ka jylla Meghalaya kiba la iashim bynta ha kane ka jingiakhun.
Kane ka lumpung ha Shillong, ka dei kaba nyngkong eh ban pyllong ia ka, ba la pyllong da ka CR Projects. Ia ka jingialehkai, la plie da u Special Superintendent of Police u Bah Mariahom Kharkrang.
Ka jingialehkai ka long 3 minit shi kylla ia kiwei ki nongiakhun katba ia kiba la tbit ka long 5 minit shi kylla.