Pynliem ki thei ka Meghalaya ia ka Mizoram ha jingialehkai Cricket

Shillong: Ka kynhun ialehkai ki thei ka Meghalaya ka la khur biang ia ka nam jop ha ka Women’s Senior One-Day Trophy hadien ba ka la pynliem ia ka Mizoram da shi wicket mynta ka sngi U Blei ka Puducherry.

Kane ka nam jop ka wan lyngba ka kapten Debasmita Dutta kaba la kamai 16 run ryngkat ka paralok ka Avril Syiem kaba la kamai 7 run (baroh ar ngut khlem shah pynhap).

Ka Meghalaya ka la jop iakynting pisa hynrei ka la kam ban kawang bol bad ai lad shwa ia ka Mizoram ban tied nyngkong ha kaba ka la ioh ban kamai 129 run bad shah pynhap noh 9 wicket ha ki 50 over.Haba wan ban beh nadien ka Meghalaya ka la lah ban poi sha ka thong ba la buh da 131 run bad shah pynhap noh 9 wicket ha ki 47.4 over. Ka Saee Purandare ba la ialam ban tied nyngkong ka la shah pynhap noh ha ki 41 run bad iarap ia ka Meghalaya ban ioh kamai 71 run na bynta 3 wicket, bad ka hap ban kamai 59 run ban poi sha ka thong.

Ka Daiaka Warjri ka la iarap 10 run bad shah pynhap noh bad lai ngut ki nongtied ka Meghalaya ha ki 108 run na bynta 9 run, hadien la wan ban tied ka Dutta bad Syiem ha kaba ki la kamai 22 run ar ngut ban pynjop ia ka Megha laya. Kham shwa, ka Mizoram ka la ialehkai bha ha kaba sdang bad san ngut ki nongtied ki la kamai palat mar 10 run, hynrei ka Meghalaya ka la iakhun bad ioh ban pyn hap wicket bad pynlong ia ka Mizoram ban ioh kamai duna. Ka Dutta ka la khur 3 wicket ha ki 16 run, katba ka Ajima Sangma ka la khur 2 wicket ha ki 19 run hapoh ka 10 over. katba ka Solina Jaba (1/13), Riticia Nongbet (1/19) bad Pinky Chanda (1/28) ki la khur mar 1 wicket.