Shillong 12 Naitung: Kum shibynta ban pynkhreh ia ka lyngkhuh sngi dap ka ba 10 snem jong ka jingiaid lynti ka seng HYC, ha ka nohphai sngi jong ka 12 tarik u Naitung 2024, ka seng HYC ka la pynlong ia ka jingialehkai paralok (Friendly Match) hapeng ki dkhot ka Shillong Press Club pyrshah bad ka seng HYC.
Kane ka jingialehkai hapdeng ki Dkhot ka Shillong press Club pyrshah ia ka seng HYC ka ba la long ha Madan Heh, Mawlai, la sakhi ba ka Shillong press club ka la pynliem da 3-0 kol ia ka HYC.
Ka jingpynlong ka seng HYC ia kane ka jingialehkai paralok kalong ban pynkhreh ia ka jingrakhe ia ka jingdap 10 snem jong ka jingiaid lynti ka seng, ka ban sa long ha ka 17 tarik mynta u bnai Naitung 2024.
Ia ki nongialehkai ka Shillong Press Club la ialam khmat da u bah Paila kum u Captain, katba ia ki nongialehkai ka seng HYC la ialam khmat da u bah Donboklang Kharkyngdoh u ba dei u Vice President ka seng.
“Ki rang ialehkai jong ka SPC ki la ioh mynsiem, ban pyni ia ki sap ki phong,da ka ba thep haduh 3 kol pyrshah Ia ki rangialehkai ka HYC”.
Ha kane ka sngi, laiadonlang u President ka Shillong press club u bah Deimaia Siangshai, u bah David Laitphlang President barim, u President ka HYC sengkmie u bah Roykupar Synrem bad kiwei kiwei de ki nongialam, ryngkat ka jingdonlang ruh ki nongpeitkai.
Phi don ban ong eiei?