Shillong:Ka Riwar Mihngi Football League ba la tip kum ka Olim Singh Syiem Memorial Trophy 2022 ba la pyniaid da ka Riwar Mihngi Social Welfare and Sport Association (RMSW&SA) kaba dei kawei na ki Association ba la rim tam ha ka Team ka la jam shakhmat.
Ka jingialehkai ba la long ha ka 16/7/2022, ka jingialehkai hapdeng ka Wahlyngkhat Sc pyrshah ka Pyrdiwah SC. Ha ka minit kaba 8 jong ka kylla step ka Wahlyngkhat SC ka la ioh ban pynkhih jar nyngkong lyngba U Ronaldo Khongshun Jersey No. 7, ka kylla step kala kut ha kaba ka Wahlyngkhat Sc ka tam 1kol, watla ka Pyrdiwah Sc ka la iakhun dohiap hynrei nanar ka jingskhem ki defence ka Wahlyngkhat SC kam iohlad satia.
Haba ka kylla miet ka la sdang ka Pyr diwah SC kala pyrshang dohiap ban ioh pynia khaid hynrei kam iohlad satia bad ha ka minit kaba 59 jong ka kylla miet ka Wahlyngkhat SC kala ioh biang ban pynkhih ia ka jar lyngba U Banrap Khongbuh Jersey No. 6 . Ka Pyrdiwah SC kam shem la duh mynsiem ka iai ia khun dohiap beit bad dei ha ka minit kaba 70 ka la ioh ban pynphai kylla shi kol lyngba U Riven Hang Jersey No. 10. Hynrei ka por ka la poi noh sha kaba kut noh bad ka Wahlyngkhat SC kala tam noh da 2kol la 1kol.
Kumban shu pynkynmaw ka Riwar Mihngi Social Welfare and Sports Association (RMS W&SA) kadei kawei na ki Association ba iadei bad ki Sports kaba la rim tam ha ka thaiñ bad kaba dang iai pyntyllun ia ki jingialeh kai bapher bapher lyngba ki nongialam jongki, ong ka kyrwoh ba la phah da U Sports Secretary ka Association, U Bah C. Khonglah.
Phi don ban ong eiei?