Shillong:Ha ka jingialehkai basketball jong ki kynthei ha kane ka sngi baar, ka Tyllilang Basketball Academy ka la pynliem ia ka Brawlers da 61-21 point, katba ka Shakinah Academy ka la pynliem ia ka United 12, da 34-29 point. Ka Touchline Basketball Academy ka la pynliem ia ka Jaguars, da 44-35 point.
Ha ka jingiakhun jong ki shynrang, ka Aeronation ka la pynliem ia ka Unique Sports Club da 61-52 point katba ka R.L.S S.C.O. ka la pynliem ia ka Iaineh da 74 -47 point.
Ha ka jingiakhun jong ki kynthei ha ka sngi Balang, ka Coterie ka la pynliem ia ka Tyllilang Basketball Academy,da 42-39 point katba ka Touchline Basketball Academy ka la pynliem ia ka Brawlers da 29 -24 point.
Ka United 12 ka la thep kol kynthei ia ka Jaguars bad ka Shakina Academy ka la pynliem ia ka Eastern Pirates, da 29-18 point.
Ka jingialehkai jong ki kynthei lashai kan long hapdeng ka Coterie Vs Juguars, United 12 Vs Eastern Pirates bad katba jong ki shynrang kaba dei jong ka semi phainal, ka Tyllilang Basketball Academy Vs Touchline Basketball Academy bad ka Aeronation Vs R.L.S.S.C.O.