Shillong: Ka St. Anthony College ka la pynliem ia ka Shillong College da 3 ron ha ka jingiaknieh ia ka nam lahduh jong ki shynrang ha ka lumpung NEHU Inter College Cricket (Men) Tournament 2018-19 kaba long ha NEHU Permanent Campus Shillong.
Haba tied nyngkong, ka St. Anthony’s College ka kamai 138 ron ha ka 20 over bad ka buh thong 139 ron ia ka Shillong College.
Ka Shillong College haba beh ia kane ka thong, ka la lah ban kamai 136 ron ha ka 20 over hadien ba la hap 3 wicket.
Da kane ka St. Anthony’s College ka la pynliem ia ka Shillong College da 3 ron. U Rahul Shah ka St. Anthony’s College u la ioh ia ka khusnam Man of the Final Match katba u Kishan Lyngdoh na Shillong College u la ioh ia ka khusnam Man of the Tournament.
Ha kane ka sngi kut la don lang u Asst. Director ka tnad ialehkai NEHU u N. Das uba la sam ia ki khusnam sha ki nongjop bad ba long baar.
Phi don ban ong eiei?