Pynliem ka Sputnik Spartan bad NFU ha ka Super Division

Shillong:Ka Sputnik Spartan CC bad ka NFU CC ki la jop ha ka jingialehkai Shillong League Super Division T20 ba la pyniaid da ka SCA ha madan ialehkai cricket ha Polo, Shillong.
Ka Sputnik Spartan ka la pynliem ia ka Malki da 5 wkt bad NFU ka la jop ia ka Sunrisers da 43 run.
Ha ka jingialehkai ba nyngkong hapdeng ka Malki bad ka Sputnik Spartan, ka Malki ka la kam ban tied nyngkong ka la lah ban kamai tang 60 run ha ki 14.3 over bad shah pynhap noh baroh ki wkt.
U Barem Rynjah ula ioh ban kamai 16 run na bynta ka Malki na ki 24 tylli ki bol, katba na ki nongkawang bol ka Sputnik kiba la ialehkai bha ki long u Arbind Singh bad Pawan Rai kiba la ioh ban khur mar 2 wkt ha ki 7 bad 9 run na ki 2.3 bad 2 over ban khanglad ia ka Malki ban ioh kamai tang da 69 run.
Haba la la poi ka pali ban tied, ka Sputnik Spartan ka la lah ban poi sha ka thong ba la buh da 65 run ha ka 13 over bad shah pynhap noh 5 wkt, lyngba ka jingialehkai u Supriyo Chanda ba la kamai 33 run na ki 20 bol bad u Aman Kumar ula bynrap 15 run na ki 23 bol.
Katba ki nongkawang ka Malki u Bittu Das ula khur 2 wkt ha ki 10 run na ki 3 over bad Arjun Lyngdoh ula khur 1 wkt ha ki 4 run na ki 3 over.
Ha ka jingiakhun ba-ar hapdeng ka NFU bad ka Sunrisers, ka NFU ka la jop iakynting pisa bad ka la kam ban tied nyngkong ha kaba ka la lah ban kamai 125 run bad shah pynhap 6 wkt ha ki 20 over.
Kane ka la wan lyngba Raj Biswa uba la ioh ban kamai 23 run na ki 13 bol bad u Purojit Mondal ula bynrap 22 run na ki 30 bol ia ka Malki, katba ki nongkawang u Aryan Bora bad u Manish Sangma ki la khur mar 2 wkt ha ki 17 bad 21 run na ki 4 bad 3 over.
Ka Sunrisers kaba beh ia ka thong, ka la ioh ban kamai tang 82 run,00 lyngba u Aryan Bora uba la kamai 20 run na ki 25 bol bad Solu Momin ula bynrap 15 run na ki 15 bol na ki 18 over bad shah pynhap noh baroh ki wkt.
Ki nongkawang bol ba pawkhmat ka NFU ki long u Purojit Mondal ula khur 2 wkt ha ki 15 run na ki 4 over bad u Akash Choudhury ula khur 2 wkt ha ki 3 run na ki 2 over ban pynjop ia ka NFU da 43 run.