|
Shillong: Ka Sohra United ka la kamai bun tam ka point na ka Group B ha ka U-16 Republic Cup hadien ba ka la pynliem da 2-0 ia ka Upper Shillong katba ka Nongthymmai ka la pynkylla syndet ia ka Little Star da kaba pynliem 1-0 ha ka Group A. Ka Sohra ka la ioh ban thep lyngba u Mebanshan Laloo ha ka 12 minit shwa ban ioh sa u Goldieson Nongrud ha ka 54 minit.
Da kane ka jingjop, ka Sohra ka la kamai 7 point na ki saw tylli ki jingialehkai ha ka group. Katba ka Upper Shillong bad ka Langsning ki kamai mar5 point. Ka Little Star ka la shah rem ha ka sien ba nyngkong ha ka jingiakhun hynne ha ka Nongthymmai. U Banskhemlang Nongdhar ka Nongthymmai u la dei tang ma u uba la ioh ban thep ia kane kawei ka kol ban pynjop ia ka Nongthymmai ha ka 23 minit ban pynlong ia ka ban kamai 4 point na ki saw sien ialehkai ban don ha ka kyrdan balai katba ka Little Star ka kamai 7 point. |
