Shillong: Ka Shillong Lajong ka la pynliem ia ka Malki Sports Club da 4-1 kol ha ka jingiakhun kaba long ha kane ka sngi Saitjain ha madan JN Stadium jong ka lympung Shillong Premier League ba pyllong da ka Shillong Sports Association (SSA).
Ia ka kol ka Lajong la thep da u Sheen Sohktung ha ka 15 minit bad sa ha ka 26 minit u la ioh biang ban thep.
Ia ka kol kaba lai la thep da u Phrangki Buam ha 44 minit kaba dei ka kol kaba lai ba la thep tang ha ka kyllastep.
U kapten ka Makli u la thep kawei ha ka 70 minit ban lait thylli ia ka kynhun.
Ka kol kaba saw ha kane ka jingialehkai, ka dei ba la thep da u Phrangki Buam ha ka 90+1 minit.
Ka Shillong Lajong kan iakhun ia ka Nangkiew Irat ha ka 29 tarik Nailar.