Shillong: Ka Shillong Lajong, ka la pynliem ia ka SAI Guwahati da 4-0, ha ka jingialehkai ba nyngkong ia ki khynnah samla kiba hapoh 18 snem ka rta jong ka I-League Shillong – Guwahati Zonal Round ha ka madan jong ka SAI ha Guwahati mynta ka sngi.
U Parvaj Bhuiya, u thep ia ka kol kaba nyngkong ha ka minit kaba 28, U Samuel Lyngdoh Kynshi, ha ka minit kaba 41 bad kaba 61 bad U Donboklang Lyngdoh, ha ka minit kaba 69.
Da kane ka jingjop ka Lajong Junior Reds, ka wan ha khmat duh, ha ka jingialehkai kiba hapoh 18snem bad kumta ki la ioh ban kamai 3 point mynta ka sngi bad kawei pat ka jingialehkai, kan long pyrshah ia ka Rangdajied United ha ka 19tarik mynta u bnai, ha ka por 1baje nohsngi ha Shillong.