Shillong: Ka Riatsamthiah CC bad TNT Sputnik CC ki la khur ia ka jingjop ha ka Super Division T20 ba la pyniaid da ka Shillong Cricket Association myn hynnin ka sngi Balang ha madan ialehkai Cricket ha Polo.
Ka Riatsamthiah CC ka la pynliem ia ka Sunrise CC da 17 run katba ka TNT Sputnik CC ka jop da 16 run ia ka Sputnik Spartans CC.
Ka Riatsamthiah ka la jop iakynting pisa bad kam ban tied nyngkong ha kaba ka Riatsamthiah ka la ioh ban kamai 146 run bad shah pynhap noh 7 wkt ha ki 20 over.
U Sylvester ula ialehkai bha ha kaba ula ioh ban kamai 42 run na ki 42 bol bad u Rijied ula kamai 17 run na ki 19 bol na ka Riatsamthiah, katba ki nongkawang bol ka Sunrise u Suraj ula khur 2 wkt ha ki 19 run na ki 4 over bad u Aryan ula khur 1 wkt ha ki 13 run na ki 4 over.
Haba wan ban beh hadien, ka Sunrise ka la ioh ban kamai tang 129 bad shah pynhap noh 9 wkt ha baroh ki 20 over.
Ki nongtied ba kham pawkhmat ki long u Solo momin ula ioh ban kamai 31 run na ki 42 bol bad u Amarjeet ula ioh ban kamai 17 run na ki 16 bol, katba na ki nongkawang bol u Parveen ula khur 2 wkt ha ki 19 run na ki 4 over bad u Shaisngi ula khur 2 wkt ha ki 18 run na ki 4 over.
Ka TNT Sputnik CC ka la kam ban tied nyngkong hadien ba la jop ia kynting pisa bad ioh ban kamai 148 run na ki 20 over bad shah pynliem noh 10 wkt.
Ki nongtied ba kham pawkhmat ki ki long u Rajesh tati ula ioh ban kamai 56 run na ki 39 bol bad u Amiangshu Sen ula kamai 36 run na ki 30 bol, katba na ki nongkawang bol u Lakhan ula khur 3 wkt ha ki 29 run na ki 4 over bad u Arvind ula khur 3 wkt ha ki 17 run na ki 4 over.
Ka Sputnik Spartans kaba la wan ban tied hadien ka la ioh ban kamai 132 run bad shah pynhap noh 9 wkt ha ki 20 over.
U Supriyo ula ioh ban kamai 46 run na ki 33 bol bad u Vishal konwar ula kamai 16 run na ki 19 bol, katba na ki nongtied u Nafees siddique u la khur 2 wkt ha ki 8 run na ki 4 over bad u Amianghu ula khur 2 wkt ha ki 29 run na ki 4 over.
Phi don ban ong eiei?