Pynliem ka Portugal ia ka Switzerland, liem ka Spain ha Qatar

Ka Portugal, ka la pynliem ia ka Switzerland, da 6-1, ha ka jingialehkai hynnin ka sngi, ha ka round 16. La ioh thep kol, na ka liang ka Portugal, da U Concalo Ramos, ha ka minit kaba 17,51,67, sa U Pepe ha ka minit kaba 33, U Raphael Guerreiro ha ka minit kaba 55 bad U Rafael Leao, ha ka minit kaba 92.

Na ka liang ka Switzerland, ka la ioh thep shi kol, ha kaba la thep da U Manuel Akanji, ha ka minit kaba 58.

Ha kawei pat ka jingialehkai ka Morocco, ka la pynliem ia ka Spain, ha ka jingshut penalty, da 3-0. Ha ka por jong ka jing ialehkai, kitei ki ar tylli ki team, kim shym la lah satia ban ia thep kol bad kumta, la dei ban pynlong, da ka jingshut penalty.