Pynliem ka NOTA, 4 ngut ki kyrtong ha Shillong konstitwensi 30,145 ngut ki nong Meghalaya ki bym jied kyrtong

Shillong,16 Jymmang:
Ka None Of The Above ne ka NOTA ka dei kaba ka election Commission ka la buh khnang na bynta ki paidbah ki bym mon ban jied ia kino kino ki kyrtong ha kane ka MP Lok Sabha Elekshon kaba la long ha ka 9 tarik u iaiong 2014.
Hadien ka jingniew vote kaba la long mynta ka sngi ka 16 tarik u jym mang la iohi ba ka NOTA ka la ioh haduh 10,960 vote kaba pyni ba ki la don haduh 10,960 ngut ki paidbah ki bym mon ia kino kino ki kyr tong kiba la ia khun ha kane ka elekshon.
Kaba kham phylla ka long ba ka NOTA ka bym shym la don ba ialap elekshon kumba leh ki kyrtong ban thep ha katei ka shap jong ki, ka la ioh kham bun vote pynban ban ia ki kyrtong kiba ialap elekshon. Ha Shillong Konstitwensi la iohi ba ka NOTA ka tam haduh saw ngut ki kyrtong.
Saw ngut ki kyrtong kiba la shah rem ha ka NOTA ki long , u kyrtong ka CPI u bah Richard D Shabong uba la ioh tang 7418 vote, ka kong Ivory Shylla kaba la ioh tang 6605 vote, u bah Armingtone Kharshiing ka Aam Admi Party uba la ioh tang 8815 bad u kyrtong shimet u ma Denis siangshai uba la ioh tang 5092 vote.
Ha Tura Konstitwensi, ka konstitwensi kaba la iakhun hapdeng ar ngut ki kyrtong u Daryl Ch Momin ka Congress bad u Purno A Sangma ka NPP u NOTA u la ioh

haduh 19185 vote, kaba pyni ba haduh kattei ngut ki Garo kim mon ia baroh ar ngut kitei ki kyrtong.
Lah ruh ban kdew ba jan ha baroh ki Konstitwensi jong ki jylla bapher bapher ha ka resol kaba la mih mynta ka sngi u NOTA um duh vote, bad ki don ruh ki jaka kiba u khlain bha ban ia kiwei pat ki kyrtong ba la shah rem.