Pynliem ka Nagaland ia ka Meghalaya da 64 ron ha ka Col CK

Shillong: Ka Nagaland kala pynliem ia ka Meghalaya da 65 ron ha ka jingiakhun ka U-23 Col CK Nayudu Trophy ba long ha Golaghat, Assam ha kane ka sngi Saitjain.

Haba bteng na kaba kamai mynshwa 140/5 bad knieh nam tam da 131 ia ka Meghalaya ha ka kylla baar, Nagaland kala kamai 206 kaba la buh thong ia ka Meghalaya da 198 ban jop hynrei ka Meghalaya kam lah ban pyndep bad shah knieh nam tam ha ka Nagaland 132. U Adarsh Joshi u kamai (4/43) ia ka Meghalaya katba u Kishan Lyngdoh u kamai 1/7.

Haba beh, u Kishan u kamai 6 tylli ki saw na ka 15 bol.Ha kawei ka jingialehkai, ka kynhun ki thei ka Meghalaya ha ka U-23 Women’s One-Day Trophy pyrshah ia ka Bihar la pynsangeh noh namar u slap.
Ka Bihar ka kamai 149/7 ha ka 49 over ha kaba ki nongialehkai ka Meghalaya ka Riticia Nongbet ka kamai (1/21), Deiphibapynshngain L Mawnai (1/23) bad ka Sandria Momin (1/33).
Ka Meghalaya ka kamai 28/2 haba u slap u wan hap bad pynthut noh ia ka jingialehkai bad ki ia kamai mar ar point.