Pynliem ka Mohammedan ia ka Garhwal, lehkai bha u Samuel Shadap ha ka sngi sdang ka I-League

Ka Mohammedan Sporting’s club ka la pynliem noh ia ka Garhwal FC hynnin ka sngi da 1 la nod ha ka sngi sdang jong ka I-League qualifiers. Ia ka kol pynjop la thep da u rangialehkai barim ka Rangdajied United, u Munmun Lugin shuwa ban kut noh ka jinglehkai ha ka mimit kaba 90.

U rangialehkai na kane ka jylla, u Samuel Shadap uba dei u rangialehkai na ka Jylla, u la ioh ban mih madan hynnin ka sngi na ka klob ba thymmai jong u, ka Mohammedan Sporting. Ha kane ka sienjam lehkai, u la ioh ban mih madan haduh ba kut ka kylla miet bad u la lah ban ialehkai bha da kaba wanrah ia kane ka klob ia ka jingjop kaba nyngkong ha ka I-League qualifiers.