Shillong: Ka MLP FT ka la pynliem ia ka Nangkiew Irat da 4-2 kol ha ka jingiakhun jong ka lumpung Shillong Premiere League kaba long mynta ka sngi ha madan Polo.
Ia ka MLP FT la thep da u Laramtara Ngamlai (22), Niwan-oo-Gatphoh (41) Tyngsainlang Rani (60) bad u Khrawkupar Barim ha ka 73 minit., katba ki ar kol ia ka Nangkiew la thep da u Dame Syih (79) bad u Salseng Sangma (kol bakla hi) ha ka 85 minit. Da kane ka jingjop, ka MLP FT ka la khur 3 point na kane ka jingialehkai.
Ha ka jingialehkai ka 1st Division, ka Laban ka la pylliem ia ka Nongrim Hills da 2-1 kol. Ia ka Laban lah thep da u Lansing Kharumnuid ha ka 23 minit, bad u Kerionald Pyngrope 36 minit lyngba ka penalty katba ia ka Nongrim Hills la thep da u Nielson Bina ha ka 63 minit.
Ha ka jingialehkai ka 2nd Division, ka Laitlyngkot ka la shah pylliem ha ka Riatsamthiah da u Bhakupar Rynjah ha ka 83 bad ka Raitsamthiah ka la thep da u Gregorous Buam ha ka 53 & 62 minit bad u Martin Marboh ha ka 65 minit.
Ha ka jingialehkai, ka 3rd Division, ka Mawreng ka la pylliem ia ka Lamlynti da 2-1 kol bad ia kine ki ar kol lah thep da u Koshonroy Sohlang ha ka 41 bad 55 minit bad ia ka Lamlynti la thep da u Doril Pathaw ka kol bakla ha ka 13 minit.
Ha kawei ka jingialehkai, ka Umphrup ka la pylliem ia ka Nongrah da 2-0. Ia kine ki ar kol, la thep da u Wanpyniar Nongbri (26) bad u Nangsei Bok L Nongbri ha ka 64 minit.