Pynliem ka Meghalaya, ia ka Sikkim, poi ha ka kyrdan ba saw ka Syed Mushtaq Ali Trophy

Shillong: Ka Meghalaya, ka don mynta ha ka kyrdan kaba saw jong ka jing ialehkai Syed Mushtaq Ali Trophy T20 tournament, lyngba ka jingjop jongka, kaba phra wiket ia ka Sikkim ha ka jing ialehkai mynta ka sngi.

Ka Meghalaya, ka la jop ha ka jing ia kynting pisa bad ka la jied ban kem ia ka bol bad ha ka jing ialehkai ka Sikkim, ka la ioh 111/5 ha ka 20 over bad hadien kata, ka Meghalaya, ka la beh ban pynliem ia ka Sikkim, ha ka 17.3 overs.

Ka Meghalaya, ka don mynta ha ka kyrdan kaba saw bad ka Meghalaya, ka don 12 point, ha kaba ka Manipur, ka don 8 point.

U Varun Sood, ula kyrshan tyngeh ia ka Sikkim, ha kaba ula tied haduh 60 run, hynrei ki nong ialehkai ka Meghalaya, kim shym la aili bad U Sanjay Yadav ula ioh da 2/24, nangta U Dippu Sangma, u ioh 1/9, U Chengkam Sangma 1/12 bad U Akash Kumar Choudhary 1/26.

U Rohit Shah bad U Ravi Teja, ki la ioh 48 bad ioh ruh shi wicket. U Teja, ula hap noh hadien 14ruh, hynrei U Shah, ula poi sha ka 38, ha ka jing ia trei lang bad U Punit Bisht, uba la tied pyrshah ia ka Sikkim bad ioh 41 na ki 27 bol. U Shah, ula iap noh ha ka 13 over bad ula mih bujli U Yadav bad ula ioh 11 run, ha kaba ka Meghalaya, ka poi sha ka 112/2 bad kaba dang sah sa 15 bol ha kti.

Ka Meghalaya, ka la jop lai sien bad ka la shah rem ar sien.