Pynliem ka Meghalaya ia ka Sikkim da 66 ron

Shillong: Ka Meghalaya ka la pynliem ia ka Sikkim da 66 run ha ka jingiakhun ka Ranji Trophy ba long ha Mangaldai, Assam myn hynnin ka sngi.
Haba bteng na kaba kamai mynshwa 66/7, ka Sikkim ka donkam ban ioh sa 136 ron ban jop ha kaba u Iqbal Abdulla u kamai 30 mynshwa.

Ka Sikkim ka la iakhun ban kamai ha 21 over hynrei ka la shah rem noh ha ka 135 ha kaba u Abdulla u kamai 76.
U nongialehkai ka Meghalaya (guest-professional) u Sanjay Yadav u kamai 5/51, hynrei u Abhay Negi u la shah jied kum u man-of-the-match. U kamai 11/83 katba u Chengkam Sangma u kamai 1/2.
Ha kawei ka liang, ha ka jingiakhun ka U-23 Col CK Nayudu Trophy, ka Meghalaya ka la kamai 69/1 ha ka jingiakhun ia ka Nagaland bad duna sa 123 run na ka Nagaland.
Ka Nagaland kaba tied nyngkong ka la kamai 192 run ha ka 57 over. U Anish Charak (4/40), Himan Phukan (2/25), Adarsh Joshi (2/48) bad u Elchiang Ch Momin u kamai (1/21) ia ka Meghalaya.
U nongialehkai ka Meghalaya u Ibitlang Thabah u hap noh ha ka 12, hynrei u Kishan Lyngdoh u kamai 16 , Rohit Shah 31.