|
Shillong: Ka Meghalaya ka la pynliem ia ka Delhi da 2-1 kol ha ka jingiakhun jong ka jingialehkai phutbol kaba long mynta ka sngi ha ka B. C. Roy trophy. Jr. National kaba long ha Odisha.
Ia ka kol ba nyngkong ka Meghalaya la thep ha ka 17 minit da u Sangti Janai Sianglong. Ka kol kaba ar ia ka Meghalaya ka la wan urlong biang ha ka 38 minit haba u Dajiedlang Wanshnong u la ioh ban khyrwit ryngkat ka jingiatreilang bad u Henry Nongneng. Kane ka la pynlong ia ka Meghalaya ban bat nam tam 2 kol ha ka kyllastep jong kane ka jingialehkai. Hynrei ha ka kylla miet, ka Delhi ka la ioh ban pynphai kylla kawei, hynrei kane ka la kut noh syndon ban pynthikna ba ka Meghalaya ka la jop ia ka jingialehkai. Ka Meghalaya mynta kan pynkhreh ban iakhun sa ia ka Jharkand, kaba iakhaid bad ka West Bengal ha ka jingialehkai ba la dep bad lada ka Meghalaya kan jop, kan ioh ban rung sha ka semi phainal. |
