Shillong: Ka Meghalaya ka la pynliem kput ia ka Chhattisgarh da 7-0 kol ha ka jingiakhun ha ka lumpung national level subroto cup hapoh 17 snem kaba dang iaid mynta ha nongbah Delhi.
Ha kane ka jingialehkai, u Wadajied Ryngkhlem u thep 2 kol, u Kitboklang Khyriem 2 kol, Gladdy N. Kharbuli kawei, u K. Lalfakzuala kawei bad u Emboklang Nongkhlaw kawei katba na ka liang ka Chhattisgarh kam shym la lah ban thep eiei.
Ia ka Meghalaya la mihkhmat da ka skul H Elias HSS Shillong hapoh ka jingialam u coach u Bah Bobby L Nongbet.