Shillong: Ka Mawshbuit ka la pynliem ia ka Mawnianglah ha ka jingiakhun ka 3rd division ka SSA kaba long myn hynnin ka sngi ha madan Polo. Ka la pylliem da 1-0 bad ia kane ka kol la thep da u C.Nongdhar 19’. Ha kawei ka jingialehkai, ka Nongkseh SC ka la shah pylliem da 0-1 kol ha ka Young Xl bad ia kane kawei ka kol la thep da u A.Suting 61’. Ka Pohkseh SC ka la pylliem ia ka Mawtawar da 1-0 kol ha kaba u la P.Kharkongor u la thep ha ka 67’ ban pynjop ia ka Pohkseh.
Ha ka jingiakhun jongka 2nd Division, ka Mawryngkneng SC ka la shah pylliem ha ka Jongksha SC da 0- 1 bad ia kane la thep da u S.Rynjah 50’.
Ha ka jingiakhun ka 1st division pat, ka MLP FT ka la iakhaid bad ka Mawkhar 1- 1. Ia ka MLP la thep da u C.Nongdhar 28’ katba ia ka Mawkhar SC la thep da u R.Marbaniang 41’.
Lashai pat ka jingialehkai kan long hapdeng ka Laitkyrhong SC vs Sohryngkham SC ha ka 2nd division.
Lashai kan don ruh ka jingialehkai phainal ka U-18 hapdeng ka Shillong Lajong bad ka Rangdajied United.
Phi don ban ong eiei?