Shillong: Ka Smit ka la shah pynliem ha ka Mawlai da 0-2 kol ha ka jingiakhun ka lympung 1st division ha madan Polo. Ia kine ki ar kol ka Mawlai, la thep da u Eugene E Shylla mar ia sdang kata ha ka 1 minit bad sa u Stephanfield Lanong ha ka 76 minit katba ka Smit kam shym la lah ban leh eiei haduh ban wai syndon ka jingialehkai.
Ha ka jingiakhun ka 2nd Division, ka Nongumlong ka la shah pynbam ha ka Lawsohtun da 0-7 kol. Ia kine ki 7 ngut ka Lawsohtun, la thep da u Khlainbor Sohtun(20,78), Johny Manbha (42), Riborlang Dkhar (45,56), Kevin Kharwanniang (84) bad u Rexsmith Marbaniang (86).
Ha ka 3rd division, ka Umlyngla ka la pynliem ia ka Risa Colony da 3-0 bad ia kine ki kol, la thep da u Rodonald Kharbuki (35,48) bad u Elbin Jyrwa (51).
Ka Lapalang pat ka la pynliem ia ka Lawmei da 3-1 kol. Ia ka Lapalang la thep da u Bathrang K Lawrniang (52), Vishal Das (60) bad u Siemlaisam Gangte (66) katba ia ka Lawmei la thep da u Lamin Jermiki (67).
Ha kawei ka jingiakhun, ka Sanmer ka la shah pylliem ha ka Nongmensong da 2-3 kol. Ia ka Sanmer lah thep da u Babit Dorphang (5,24) katba ia ka Nongmensong la thep da u Nekison J Jyrwa (4,33) bad u Bestar Kharkongor(46).
Lashai ka sngi, ha ka Shillong Premier League, ka jingialehkai kan long hapdeng ka MLP bad ka Nangkiew Irat por 3:15 pm.