Ha ka jingialehkai jong ka English Premiere League hynnin ka sngi, ka Manchester City, ka la pynliem ia ka Manchester United da 3-1. Ha katei ka jingialehkai, la ioh thep da U Silva ha ka minit kaba 11, nangta U Aquero ha ka minit kaba 48 bad nangta sa U Gundogan ha ka minit kaba 86. Katba ka Manchester United, ka ioh thep tang shi kol, ha kaba la thep ia ka kol, da U Marshal ha ka minit kaba 58, da ka jingshut penalty.
Ha kawei pat ka jingialehkai ka Chelsea, ka la ia khaid bad ka Everton da 0-0, katba ka Liverpool, ka la pynliem ia ka Fulham da 2-0, ha kaba ia kol, la thep da U Salah ha ka minit kaba 41 bad nangta sa U Shaqiri ha ka minit kaba 53.
Ka jingioh point jong ki Team ha ka English Premiere League haduh mynta ka sngi, ka long ba ka Manchester City, ka ioh 32 point, ka Liverpool ka ioh 30 point, ka Chelsea 28 bad ka Tottenham 27 point.
Ha kawei pat ka jingialehkai jong ka La Liga, ka Barcelona, ka la shah pynliem ha ka Real Betis da 3-4. Wat la U Lionel Messi, u ioh thep ar kol, hynrei ka team jongu, kam shym la lah ban ialehkai bha satia.