Shillong: Ka Langsning FC ka la pynliem ia ka Sawmer da 3-1 kol ha ka jingiakhun ha ka lumpung ka Shillong Premiere League kaba long myn hynnin ka sngi ha madan Polo, Shillong.
Ha ka jingiakhun, ka Langsning ka la ioh ban thep ia ka kol ba nyngkong haka 19 minit lyngba u Milancy Khongstia hynrei ka Sawmer ka la ioh ban pynphai pat ha ka 22 minit lyngba u Gamelial Kharlyngdoh.
Ka nam tam ia ka Langsning ka la wan haswa ban wai ka kyllamiet hadien ba u Ebormi Buam u la ioh ban thep ha ka 38 minit bad ka la pynskhem shuh ha ka kyllamiet lyngba u Kynsai Lhuid ha ka 78 minit..
Ha ka jingiahun ka 2nd Division, ka Jongsha ka la shah pylliem ha ka Sohiong da 1-2 kol. Ia ka Jongksha la thep da u Arkydalang Myrthang ha ka 46 minit katba ia ka Sohiong la thep da u Bolancejoy Kharkray ha ka 18 minit bad u Albinit Khongshun haka 87 minit.
Ha ka 3rd Division, ka Qualapathy ka la liem da 0-1 kol ha ka Umpling. Ia kane kawei ka kol ka Umpling la thep da u Shanbor Rapmai ha ka 38 minit.