Shillong: Ka Langsning Football Club ka la pynliem ia ka Malki Sports Club da 4-1 kol. U Donborlang Nongkynrih ula thep ar kol na ka Langsning ha ka 13 bad 31 minit jong ka jylla step katba u Kynsai Lhuid ula thep ar kol ha ka 64 bad 84 minit jong ka kylla miet.
Ka Malki ka la pynphai shikol lyngba u Viki L Darlong ha ka 68 minit jong ka kylla miet.
Ha ka jingialehkai second division ka Imson ka la shah pynliem ha ka Rising da 3-1 kol. U S Hashah ula thep shikol na ka Imson ha ka 37 minit jong ka kylla step, katba ka Rising ka la pynphai kylla lai kol lyngba u B Marbaniang ha ka 53 minit bad u K Khyrem ula thep ar kol ha ka 72 bad 76 minit jong ka kylla miet.
Ha ka jingialehkai second division pat ka Ryntih ka la pynliem ia ka Nongkseh da 5-0 kol. Ka nam jop jong ka Ryntih ka la wan lyngba ka hat trick u Teibor Ryntathiang uba la thep lai kol haka 11,18 bad 28 minit jong ka kylla step, katba u Halis Kharkongor ula thep shikol ha ka 78 minit bad Wanraphun ha ka 86 minit.
Ha ka jingialehkai third Division pat, ka Mawnianglah ka la pynliem ia ka Mawphlang da 3-0 kol. Ia ki kol na ka Mawnianglah la thep da u Dillesm Mewanshwa Kurkalang ha ka 26 minit, u Khrawborlang Nongkhlaw ula thep ar kol ha ka 49 bad 54 minit. Ha kawei pat ka jingiakhun ka Rynjah ka la shah pynliem ha ka Pohkseh da 1-0 kol. Ia ki kol na ka Pohkseh la thep da u Pynshngain Kharkongor lyngba ka penalty ha ka 31 minit.