Shillong: Ka Langsning FC, ka la pynliem mynta ka sngi ia ka Jamshedpur FC da 3-1, ha ka jingialehkai ha Jamshedpur mynta ka sngi.
U Stephanso Pale, uba mih mynta ka sngi, ha ka sien ba nyngkong jong ka jingialehkai jong ki 11ngut, ula ioh thep ia ka kol kaba nyngkong ha ka minit kaba lai jong ka jingialehkai bad kaba la ai nam tam ia ka Langsning Sc.
Hadien kata ka Langsning, ka la pynbud sa ka kol kaba ar ha ka minit kaba 17, ha kaba U Subham Ghosh, ula thep kol hi, sha la ka jong ka liang, hadien ka jingtur tyngeh jong ka kynhun jong ka Langsning. Ka Langsning, ka la ioh biang sa kawei pat ka kol na U Pale hi, ha ka minit kaba 36.
Ha shwa ban kut ka kylla step, ka Jamshedpur, ka ioh pyrung shi kol, lyngba U Md Firoz Khan, hynrei ka jingialehkai ka la iaid beit shakhmat khlem don ba ioh ban thep kol ha ka kylla miet bad kumta ka Langsning, ka ioh 3 point na katei ka jingialehkai.
Ka Langsning ka ioh mynta 7 point, ha ka Group C bad ka wan ha khmat duh bad ka jingialehkai kan long ha ka 9tarik Iaiong 2018 ha Kolkata, ha kaba ka Langsning, kan ia khun pyrshah ia ka Mohammedan.