Pynliem ka Langsning bad ka North East united ha U-16

Shillong: Ka Langsning ka la pynliem ia ka Rympei da 3-2 kol ha ka jingiakhun jong ka lympung U-16 Republic Cup ba long mynta ka sngi ha ka Group B. Katba ka NorthEast United ka la pynliem ia ka  Umroh da 7-0 ha ka Group A.

Na ka bynta ka North East United u Dajiedlang Wanshong  u la thep 3 kol marwei.

            Ka Langsning ka la ioh ban thep nyngkong da u Banrikupar Kharsohnoh ha ka 6 minit hynrei ka Rympei ka la pyniakhaid 7 minit hadien da u Richmon War. 

            U Oliver Pale u la thep biang ia ka Langsning ha ka 25 minit hynrei ka Rympei ka la pyniakhaid da u  Aiborlang Syiemlieh ha ka 35 minit. Hapdeng ka jingiakhun kaba satar bha, ka Langsning ka la ioh nam tam da u Tremiki Lamurong uba la thep ha ka 62 minit.