Ka Juventus, ka la pynliem ia ka Manchester United, da 1-0 ha ka jingialehkai Champions League hynnin ka miet ha Old Trafford ha England.
La thep ia ka kol na ka liang jong ka Juventus, da U Paulo Dybala, ha ka minit kaba 17 jong ka jingialehkai.
Ha kawei pat ka jingialehkai, ka Real Madrid, ka la pynliem ia ka Viktoria Plzen 2-1 ha ka jingialehkai ha Santiago Bernabeu. La ioh thep ia ka kol kaba nyngkong da U Karim Benzema bad nangta sa U Marcelo, katba U Patrik Hrosovsky, ula ioh thep na ka liang jong ka Viktoria.
Na ka liang ka Roma, ka pynliem da 3-0 ia ka CSKA Moscow, ha kaba la thep ia ki kol da U Edin Dzeko ula ioh thep ar kol bad U Cengiz Under, ula ioh thep shi kol.
Ka jingialehkai hapdeng ka Manchester City, pyrshah ia ka Shakhtar Donetsk, ha kaba ka City, ka la jop da 3-0 ha ka jingialehkai ha Ukrain bad la thep ia ki kol da U David Silva bad U Aymeric Laporte bad U Bernardo Silva.
Ha kawei pat ka jingialehkai, U Javi Martinez bad U Robert Lewandowski, ki ioh thep ar kol ha ka jingialehkai pyrshah jong ka Bayern ia ka AEK Athens, ha kaba ka Bayern, ka la jop ha ka jingialeh.