Pynliem ka England, ia ka Iran da 6-2 ha ka ialehkai World Cup

Ka England, ka pynliem ia ka Iran, da 6-2 ha ka jingialehkai World Cup ha Qatar mynta ka miet. Na ka liang ka Iran, ka ioh thep ia ka kol, kaba khadduh jongka, lyngba ka jingshut penalty, ha ka minit kaba 90+ 13 bad kaba dei ka minit kaba pynkut syndon, ia ka jing ialehkai.

Ki nongthep kol ka England, ki long U Jude Bellingham bad U Bukayo Saka, kiba ioh thep kol lai tylli, ha ka jing ialehkai ha Khalifa Stadium ha Doha; nangta U Raheem Sterling, U Marcus Rashford bad U Jack Grealish, kiba ioh thep mar shi kol.