Ka Croatia, ka la ioh ban pynliem ia ka Denmark, ha ka jingialehkai World Cup hynnin ka miet, ha ka jing ia shut penalty da 3-2.
Ha ka jingialehkai kitei ki ar liang, ki la ia khaid da kaba ki ia ioh ban thep tang mar shi kol ha ka kylla step, ha kaba ka Denmark, ka la ioh thep tang hapoh ka shi minit, lyngba U Mathias Jorgenson, katba ia ka Croatia, la ioh thep da U Mario Mandzukic ha ka minit kaba 4. Hadien jong katei ka jingialehkai, ka long kaba ia ryngkat bor na baroh arliang bad la hap ban ai por tam 30 minit, hynrei ym don ba lah satia ban thep kol bad ha kaba khadduh, la hap ban pynlong da ka jingshut penalty, ha kaba ka Croatia, ka la ioh ia ka nam jop.