Pynliem ka Bihar, ia ka Meghalaya da 6 wicket ha Chennai

Shillong: Ka Bihar, ka la pynliem ia ka Meghalaya, da hynriew wicket, ha ka jing ialehkai jong ka Syed Mushtaq Ali Trophy T20, mynta ka sngi ha Chennai.

Ka Meghalaya, ka la tied nyngkong bad ka la ioh 89/9 ha ka jing ialehkai kaba 20 over. U Punit Bisht, u lah ban pynioh tang 16 run mynta ka sngi. Kiwei ki nongtied ba kynthup ia U Lerry Sangma bad U Dippu Sangma, ki ioh mar 13 run marwei marwei.

Ka Bihar, ka la duh saw wicket, ha ka jing ialehkai kaba 16 over bad ka ioh 92/4. U Sanjay Yadav, u sdang da ka jing kamai kaba 2/14 na ki saw over bad U Akash Kumar Choundary, u ioh 1/18 bad U Aditya Singhania, u ioh saw over bad u poi sha ka pali kaba 1/23.

Ka Bihar, ka wan ha jrong duh, ha kaba ka la jop ha ki laisien jong ka jing ialehkai bad ka Meghalaya, ka wan ba san, da ka jingjop ba shisien, na ki laisien ki jingialehkai.

Ka Meghalaya, kan iakhun pyrshah ia ka Arunachal Pradesh, kaba la rem baroh laisien ki jingialehkai bad kitei kin ia kynduh ha ka Sngi U Blei.