Ka Belgium, ka la pynliem ia ka Japan, hynnin ka miet ha ka jingialehkai World Cup ha Russia.
Ha kaba sdang ka kylla miet, ka Japan, ka la khyrwit ar kol, hynrei kham hadien ka Belgium, ka la khie khlieh bad pynliem ia ka Japan da 3-2.
Ki nongthep kol ka Japan, ki long U Genki Haraguchi, uba thep ia ka kol ha ka minit kaba 48 bad nangta sa U Takashi Inui, ha ka minit kaba 52, katba ki nongtep kol ka Belgium, ki long U Jan Vertonghen, ha ka minit kaba 69, U Maruoe Fellaini ha ka minit kaba 74 bad nangta sa U Nacer Chadli ha ka minit kaba 90+4.