Ka Belgium, ka la pynliem ia ka England da 1-0 ha ka jingialehkai World Cup, hynnin ka miet ha ka Group G. La ioh thep ia ka kol da U Adnan Januzaj, ha ka minit kaba 51 jong ka jingialehkai.
Mynta ka Belgium bad ka England, ki la ioh rung sha ka pali knock out jong ka World Cup. Ka England, mynta ka la lah ban kiar ialade na kaba ialeh pyrshah ia ka Brazil, Argentina, France, Uruguay bad Portugal.
Ha kawei pat ka jingialehkai ka Tunisia, ka la ioh ban pynliem ia ka Panama da 2-1, hynrei kitei ki ar tylli ki hap ban leit phai iing noh.