Ka Belgium, ka la ioh ia ka kyrdan balai, ha ka ialehkai World Cup 2018 ha Russia, da kaba ka pynliem ia ka England, da 2-0 ha ka jingialehkai hynnin ka sngi.
Ka Belgium, kaba don ia ki nongialehkai kiba pawnam jong ka pyrthei, ba kynthup ia U Romelo Lukaku, ia U Eden Hazard, ia U Kevin De Bruyne bad U Kompany, uba dei u nongap dien ba satar, ka la ioh ban pynjem khnap ia ka England, lyngba ki kol ba itynnad shibun jong U Thomas Meunier ha ka minit kaba saw bad nangta sa ka kol, kaba la thep da U Eden Hazard ha ka minit kaba 82.
Ki nongialehkai ka England, hapoh ka jingialam jong U Harry Kane, uba dei u nongialehkai khmat kim shym la lah ban thaw pyrthei eiei ruh; hynrei la iohi tang ia u nongap kol jong ka, U Jordan Pickford, uba la leh bha shibun eh, ha kaba ula lah ban iada na shibun ki kol, kaba la ther da ki snar jong ka Belgium.
U nongialehkai uba paw bha hynnin ka sngi, u dei U Eden Hazard, uba la pyni ia ka sap ialehkai jongu bad kaba khring ia ki riew ieid phutbol.