Nongpoh: Ha ka jingialehkai paralok hapdeng ka West KASA IX pyrshah ia ka Ri Bhoi United Football Club, kaba la long ha Waisong Stadium, Donkamukam, West Karbi Anglong, ki rangialehkai ka Ri Bhoi United FC, ki la lah ban pynliem jem ia ka West KASA IX haduh 6-0 bad khur syndon ia ka jingjop ha katei ka Exhibition Football Friendly match.
Haba phai ha katei ka jingialehkai, da shisha ka la long shisha ka jingiakhun kaba itynnad, hynrei namar ka jingtbit palat ki rangialehkai ka Ri Bhoi United FC, kitei ki rangialehkai ka West KASA IX kim lah ban iada na ka jingshah thep kol.
Ha ka kylla step jong ka jingiakhun, ki rangialehkai ka Ri Bhoi United, ki la lah ban tam ia ka jingiakhun da 2-0. Haba la bteng ka kylla miet, ka jingiakhun ka la kham noh shilliang shuh shuh bad dei ha kaba kum katei ka por ki rangialehkai ka Ri Bhoi United, kaba ki la ioh ia shibun ki kabu ban thep kol, hynrei ki la ioh ban thep tang 4 kol bad kaba la pynlong ia ka kynhun ba kan jop 6-0 pyrshah ia katei ka West KASA IX.
Phi don ban ong eiei?