Pynkynriah ia ka phainal Meghalaya Superstar

Shillong, 1 Lber:
Ki nongpyniaid ia ka Meghalaya Superstar ki la pynkynriah noh shuwa ia ka phainal jong ka rynsan ia kob sha ka 2 tarik u Iaiong ka ban long ha Shillong bad ia ka jaka yn sa pyntip hadien.
La pynkynriah noh shuwa ia katei ka rynsan ia kob na ka daw ba ka ia tyngkhuh bad ka por long eksamin ki samla pule.
Ha kajuh ka por, ki nongpyn iaid ki pyntip ruh sha kito ki nong kyrshan jong ki nong ia shim bynta ha ka Megha laya Superstar kylleng ki shnong lada ki kwah ban kyrshan ia u ne ka nong ia shim bynta, lada kim lah ban ia kynduh ia ki, ki lah ban wan ia kynduh ia ki nong pyniaid jong ka Meghalaya Superstar ha Office trei kam jong ka AMDA ha Synod Super Market Ground Floor Room No. 20 bad lah ban iohi ruh ia kane ka programme lyngba ki Channel T.V kum ka Betesi Channel, Media Plus man la ka miet naduh kapor 7: 30 mynmiet ter ter.
Ka AMDA ka pyntip ruh sha ki paidbah la da ki don kam ia ki nong shim bynta ki ba ki itynnad ban pynrung ha ki prokram bapher bapher kin sngew bha ban ia kynduh ia ki nong ialam jong ka All Meghalaya Dancer’s Association ne ph 8575667940/,8794837810.