Pynkynmaw ka KSU, FKJGP ia u DC

Shillong,16 Nailur:
Ka Khasi Students’ Union, Mawlai Circle bad ka Federation of Khasi Jaintia and Garo People, Mawlai Circle ka la pynkynmaw ia u Deputy Commissioner ka East Khasi Hills, halor ka mat kaba ki la dep ban ia kren ha ka 25 tarik u nailar 2014 halor ka jingrung laitlan ki trok bad ka jingioh lad ki trok heh ban rung hapoh u pud u sam ka Mawlai, kitei ki trok ki dei kiba wan sha FCI. Ha ka jingthoh kaba ki la phah sha u DC ki la pynpaw ka jingsngewsih ba mynta la jan kot shibnai ba ki la ia kren bad ba u DC ruh u la kular ba un phah ia ki bor ba dei peit halor katei ka mat, pynban haduh mynta ym pat shym la leh eiei.
Ka kyrwoh na u samla B.Lyngdoh, president KSU bad u samla Marbud Dkhar President FKJGP Mawlai Circle ki la pynkynmaw ia u DC ba ki ar seng ki kwan ba ki trok ki ban rung shapoh Mawlai ban leit sha FCI ki dei ban rung katkum ka por ba ki ar seng ki la dawa kham mynshuwa na u DC.