Ka Mexico, ka la pynkyndit ia ka Germany, ha kaba ka la pynliem ia katei ka Ri, da 1-0 ha ka jingialehkai mynta ka sngi.
U Hirving Lozano, uba dei u nongialehkai khmat jong ka Mexico, ula ioh ban pynrung jar ia ka bol, ha ka minit kaba 35, hadien ba ula ioh ia ka bol na U Javier Hernandez, uba la rah beit beit ia ka bol shajan ka kol jong ka Germany bad ba ula ioh ban thep suk sha ka liang, kaba la ap pahara bha da U Manuel Neuer nan ka jingjngai kaba 10 yard.
U nongap kol ka Mexico, U Guillermo Ochoa, ula iakhun dohiap ban khang ia ki nongialehkai ka Germany ba kin ioh thep kol, ha kaba U Toni Kroos, ula pyrshang tyngeh ban shut ia ka bol sha ka liang ka Mexico, hynrei, um shym la lah satia ban pynrung jar.