Pynkylla rukom iaid kali ha ki thaiñ Mawpat bad ki jaka ba marjan

Shillong: U Superintendent of Police(Traffic) jong ka East Khasi Hills u la pynbna mynta ka sngi ba yn pynkylla noh ia ka rukom iaid kali ha ki bynta jong ka sor Shillong naduh ka 19tarik Nailar, 2020.

Kan don ka “No Entry” na ka bynta ki kali kiba wan na Golflinks-Langkyrding (Lumshyiap) shaduh Mawpat. Hadien ba poi ha iew Mawpat (Mot Taxi Stand) ki kali ki hap ban iaid na ka lynti kadiang kaban poi sha Longmaw lailad.

Kan don ka “No Entry” ia ki kali ba wan na Longmaw shaduh Mot Taxi Stand. Ki kali ki hap ban iaid na ka lynti ban poi sha Mawpat Circle III-Shaw Shaw (hajan C&RD Block Office Mawpat).