Pynkylla khongpong ka MPCC, ia ka rai ka Block Congress

Shillong, 28 Risaw:
Wat la ka Block Congress Committee bad ka West Khasi Hills District Congress Committee, ki la mynjur ia ka kyrteng jong U bah Adviser Par iong, hynrei, la sngew thuh, ba ha ka jingialang, kaba long hynnin ka miet ha iing U bah DD Lapang, ba ki la dep rai, ban ai ia ka tiket shiteng samoi sha U bah Gabriel Wahlang, uba dei U MLA shu sieh ha Khasi District Council.
Ka khubor, ka ia thuh ba ka jing ia kynduh hynnin ka miet, kaba la long ha iing U bah DD Lapang, ha kaba la don lang U Mukul Sangma, myntri rangbah ka Jylla, ka la rai ban kyntait ia ka jingtyrwa jong ka Block bad ka District; hynrei, ka la jied ia U bah Gabriel Wahlang, na ka bynta katei ka elekshon shiteng samoi.
Kumba ka ju long, ban rai khadduh ia ka tiket jong ka elekshon MLA, ka dei ha ka bor jong ka All India Congress Committee (I) bad ki thymmei khubor, ki iathuh ba ka jing ia pyni bor, kan dang bteng hangthie ruh, namar la sngewthuh ba U Ma Vincent Pala MP, ka Shillong, u kyrshan ia ka U Dr Pariong, ba un long u kandidet jong ka seng na Nongstoin.