Pynkut taiew lehkmen ka Sikkim Manipal

Shillong, 30 Jylliew:
Ka Sikkim Manipal University, Shillong Centre ka la kut noh ia ka taiew leh kmen ne ka Varsity Week jong ki samla pule ha kane ka sngi Saitjain.
Ha ka sngi ba pyn kut ia kane ka jing lehkmen kaba la pynlong ha Soso Tham Auditorium, Shil long, la pynlong ia ki prokram bapher bapher kiba kynthup ia ka jingpyni paidbah ia ki Documentary Film ba la shna da ki samla pule ka University bad kine ki phlim long kum ka Tiny Feets, Tender Heart, nangta ka film The Traders- On the Road beyond the Border. La pyni ruh ia ka film The Green Project-My World My Responsibility bad ka film Missionaries- Remoulding Life.
Ha kane ka sngi ka kongsan ka Debora C. Marak, Myntri ka sorkar jylla ka la sam ia ki khusnam sha ki samla pule kiba la paw ha ki jingpule bad jingiashim bynta jong ki ha ki kam ka University. La pynshongshit ruh da ka jingpyni riam ba la design da ki samla pule ka Fashion Dept ka SMU.