Shillong, 11 Nailar:
Ka Phudmuri Presbyterian School Mawlai , Shillong mynhynnin ka sngi ka la pynkut noh ia ka ‘tamasa skul’ kaba ki khynnah pule jong katei ka skul ki la ia shim bynta ha ki kam rwai kam siaw bad ki kam ka drama bad kiwei pat. La pynkut ia katei ka Scool Concert ha Auditorium jong ka Sacred Heart Boys HSS, Mawlai ha kaba u MLA/MDC jong ka Mawlai u Bah Embhahlang B Syiemlieh, u la long kum u kongsan ha ka jingdonlang u Bah S Majaw, Senior Functional Manager ka DCIC, ki dkhot ka Managing Committee ka skul, ki Tymmenbasan, ki nongsharai Balang, ki nonghikai lem bad kiwei kiwei de.
Haba kren ha katei ka jingpynbkut ia katei ka sngi lehkmen jong ka skul u kongsan u la ai ka jingiaroh ia ki khynnah pule katei ka skul kiba don ka sap ka phong ba ki la pyni lyngba ka concert ha kajuh ka por u la air uh ka jingiaroh ia ki nonghikai kiba la trei shitom ban ai jinghikai ia ki khynah ha ka pule puthi kumjuh ruh ha ka rwai ka siaw bad ki drama.
“Pyndonkam hok ia ka sap ka phong ba la ai U Blei, namar lyngba ki sap ba phi don kin plie lad ruh ban ioh kam ioh jam,” kyntu kynpham u MLA ia ki khynnah pule ha ryngkat ruh ka synniang kaba u la pynhap T.20 hajar tyngka sha katei ka skul. Na ka liang ka Principal jong ka skul, ka Kong P Rynjah, ka la pynpaw ia ka jingsngewnguh ia ka jingiarap u MLA bad kyrkhu kyrdoh ban nang lah ban trei kham bha shuh shuh na ka bynta ki paidbah jong ka Constituency bad ka Jylla hi baroh kawei.
Ki nongpyniaid ki la iathuh la seng ia kane ka skul ha u snem 1906 ha ka Primary Section, ha u snem 1987 ia ka Upper Primary Section bad ha u snem 1995 ia ka Secondary Section. Ki don haduh 700 ngut ki khynnah skul, 30 ngut ki nonghikai bad 3 ngut ki nongtrei. Kane ka ‘Concert’ ka dei ha ka ‘sien ba nyngkong ba ka skul ka la ioh ban pynlong.
Phi don ban ong eiei?