Shillong:Ka program halor ka Youth Club Development Campaign ba la pynlong da ka Nehru Yuva Ken dra, Shillong kaba hap hapoh ka Ministry of Youth Affairs and Sports, Govt of India kaba la pynlong ha Pynursla Block kaba la sdang naduh ka 9tarik Naiwieng bad la pynhap pyrda pat ïa ka ha ka 13tarik Naiwieng, 2021.
Ïa kane ka prokram ba la pynïaid da ka R. Khonglam bad u R. Mawkon kiba long ki NYV jong ka Pynursla Block ha ka Dorbar Hall Urksew Wahpathaw, Pynursla la ïoh ïa ka jingkren na u bah Don Khonglam u Secretary ka Shnong bad kumjuh ruh ka jingpynshai kaba bniah na u bah D. Rap sang uba long u Deputy Director ka NYKS Shillong, kumno ban sdang bad balei ba don kam ban sdang ban seng ïa kino kino ki seng ne ki club kiba kyntiew ïa ka jingim ki samla.
Ha kane ka jingïalang la ïoh ruh ïa ka jingkren na U bah Sashan Khongthohrem u Director ka Asorphi Academy u ba u long chief guest, u la ban jur ruh halor ka jinglong kloi ki samla ban leh ïa ki kam kiban kyntiew ïa ka imlang ka sahlang bad ban long ki nongmihkhmat bad ki nongkitkam ki ban thaw dur thymmai ïa ka lawei ka thaiñ bad ka jaitbynriew hi baroh kawei.
La wan ïa shim bynta ruh da ki ba bun tylli ki Youth Clubs bad ki Seng Samla bapher bapher na ki ba 30 tylli ki shnong kiba hap hapoh ka Pynursla Block.
Phi don ban ong eiei?