Pynkut ka India, ia ka rung ka mih laitluid bad ka Myanmar

Shillong:Ka Tnat Kam Poh iing ka la rai ban pyn sangeh ia ka Free Movement Regime (FMR) lane kaba iarung ia mih laitluid hapdeng ka India bad Myanmar ban pynthikna ia ka jing shngain ha ka ri bad ban bat ia ka jinglong jingman ha ka imlang sahlang ha ki jylla ka thain shatei lammihngi jong ka India kiba don khappud bad ka Myanmar.

U Myntri Sorkar Pdeng ba dei khmih ia ki tnat Kam Pohiing bad Cooperation, Amit Shah, ha ka post jong u ha ka ‘X’ u la ong, “Ka dei ka jingkut jingmut jong u Myntri Rangbah Duh Narendra Modi ban pynskhem ia u pud u sam jong ngi –Ka Tnat Kam PohIing, ka la rai ban pynkut noh ia ka Free Movement Regime (FMR) hapdeng ka India bad Myanmar ban pynthikna ia ka jingshngain ha ka ri bad ban bat ia ka jinglong jingman ha ka imlang sahlang ha ki jylla ka thain shatei lammihngi jong ka India kiba don khappud bad ka Myanmar. Namar ka tnat kam bar ri, ka dang pynkut noh ia kane, ka Tnat Kam Pohiing ka la ai jingmut ban pynsangeh mardor ia ka FMR.”