Shillong: Ka Executive Committee jong ka Raid Kongthong kaba la shong pyrkhat haka 4 tarik Nailur 2019, ka la pynkut noh ia ka jingaibor ia u bah Cominghome Pohnong kum u Rangbah Shnong ka Kongthong ha ka 1 tarik Risaw 2019.
Ha ka kyrwoh ba la pyllait, u Secretary ka Raid Kongthong u bah Stogent Lynrah u la ong ba ha kaba iadei bad baroh ki kam kiba iadei bad ka synshar ka khadar hapoh shnong Kongthong, la ai bor bad aiti ha u Sordar jong ka Raid u Bah Sylloklang Majaw tad haduh ban da ioh ia u Rangbah shnong ba thymmai.
U Secretary u la ong ba ka Executive Committee ka kyrpad ia kino kino ki riew shimet ki riew paidbah, ki sengbhalang bad ki kynhun bapher bapher bad kumjuh ruh ia ki ophis sorkar lada don kino kino kam kiba donkam ha kino kino ki kam hapoh shnong Kongthong, kin sngewbha ban iakynduh ne ia pynbeit bad u sordar jong ka Raid u Bah Sylloklang Majaw.
Phi don ban ong eiei?