Shillong:Ha ka 30tarik Jylliew, la pynkut noh ia ka community quarantine centre, jong ka dorbar shnong Mawryngkneng bad ha kane ka sngi, la pynlong ruh ia ka jingialang lyngkot bad la don lang ki rangbah Dong, ki Asha, Aganwadi, u Sordar, Secretary, bad ki Excutive Member jong ka Shnong Mawryngkeng lem bad ki Dkhot jong ka VLC Covid19 Management Committee bad ia ka jingialang la pyniaid da u Convener jong ka VLC Covid19 Management Committee, Bah Kesmanful Nongpluh.
Ia ka Mawryngkneng Quarantine centre la sdang ha ka 4tarik Iaiong 2020 bad la pynkut ha ka 30tarik Jylliew 2020.
Ka jingdon jong kiba la pyndep pura ia ka jingleh ia ka Quarantine kat kum ki kyndon ba la bthah da ka sorkar ki long shynrang 22 ngut, kynthei 10 ngut.
Na ka liang ka dorbar shnong Maw ryngkneng lyngba u secretary bad u Sordar, ka la pynpaw ruh ia ka jingsngewnguh ka jingkhublei kaba kyrpang baroh ki para shnong bad kiba na bar jong ka shnong Mawryngkneng kiba la don bynta ban ianoh syniang ha ki liang baroh.
Phi don ban ong eiei?