Shillong: Ka khubor na U Rangbah shnong Pynter jong ka Raid Shabong, Khyriem Syiemship ka iathuh ba la pynkut noh iaka jingpyrshah ba la neh 26 snem ha shnong Pynter.
Katei ka jingpyrshah ka la sdang naduh u snem 1993,ha kaba u bah Jngun Khongmawloh bah u bah Binud Tangsong ki la ialam ia ki 25 iing ban wanrah ia ki ba bun ki kynrum kynram kaba la pynlong ruh ban ia kiew iing lieh iingsaw.
Hynrei,dei pynban ha ka 3tarik Jylliew 2019, ha ka dorbar shnong bad ba la iashim bynta da baroh ki tnum iing ba la ialam da u bah Jonathan M.Nongkrot u ba long u Rangbah Shnong jong ka Pynter kaba la pyndap jingkmen ia ki, ha kaba ki la pdiang sha la iing iakitei ki 25 iing kiba la ju long ki nongialeh pyrshah baroh shi katta 26 snem.
U Rangbah shnong u la ong, “Ka ladei ka history jong ka jingkmen naka bynta baroh ki paitbah jong ka shnong pynter kiba lamad ia u soh bathinag hadien bun bun snem ba ki la mad iaka jing ipait ia pra hapoh shnong poh thaw.”
U Rangbah Shnong lem bad ka dorbar baroh kawei ki la pdiang sngewbha ia kitei ki long iing bad da ki kyntien ba kin ym leh shuh iaki kam pyrshah shnong ban wanrah iaki jingkulmar khnang ban ia im haka suk ka sain bad ban burom ia u rangbah shnong kum u ba ha khlieh duh jong ka shnong,bad ban bud ryntieh ia ki adong,ki ain shnong ain thaw kumba la shna da ka shnong.
Phi don ban ong eiei?