Pynkup burom ki pulit, ia u draibar iarap lanot

Jowai, 06 Nailur:
Ki pulit Traffic ka nongbah Jowai, mynta ka sngi ki la pynkup burom ia u driver ba niah kali tourist uba la pyllait im ia uwei u lanot ba hap kali sha synran ha Treiong-riang JAD Road kaba la jia  ha ka 31 tarik u bnai Jymmang mynta u snem.
Utei u nong Samaritan u dei u ba la tip kyr-teng kum u Ricky Pyrtuh na ka shnong Sohmyn-ting.
Ha ka 31 tarik u bnai Jymmang por 10:30 pm, kawei ka maruti car ka la hap shapoh riat kaba jylliew 100 phut eiei ha kaba u driver bad uwei pat u nongshong ki la mynsaw jur.
Namar ba ym don  ba iohi ia katei ka jingjia, kitei kiba mynsaw ki la neh baroh shimiet hapoh synrang ha kaba u nongniah uba la tip kum u Md. Reyaz Ali u la khlad noh naki jingmynsaw katba ia u Susanto Das pat la pyllait im da utei u driver kali kamai ha kaba u la sei ia u napoh katei ka riat ban kit sha Hospital.
Na ka liang u SP bad ki heh ka Pulit Traffic kum ka dak ban ai ka jingiaroh bad ban pyni nuksa ruh sha kiwei pat ba kin dei ban iarap ia ki para briew haba don kano kano ka jingjia ha surok, mynta ka sngi ki la pynkhup burom ia u.