Pynkup burom ki ASHA Umden PHC ia ki nongialam ka MAWU

Nongpoh: Ki ASHA jong ka Umden PHC Unit, hynnin ka sngi ki la pynkup burom ia ki nongkitkam ba hakhmat jong ki nongtrei ASHA kiba don ha ka shatri Meghalaya Asha Workers Union(MAWU), kata hadien ba ki la iohi ia ka jingtrei shitom ka jong ki, na ka bynta ban iakren halor ka jingeh kaba la kynduh da ki nongtrei ASHA kiba trei ha ki jaka sumar ha ka jylla hi baroh kawei.

Kiba la donlang ha katei ka sngi, ki kynthup ia u Bah Mayrald Born Syiem, MLA Nongpoh, uba la long kum u kongsan, nangta u Bah Balajied Rani, MDC Nongpoh, ka Kong Mirajune Myrsing, President MAWU, ka Phidaris Marbaniang, General Secretary lem bad shibun kiwei pat.

Katei ka jingpynkup burom da ki ASHA Umden, ka dei ba ki la sngewnguh eh ia ki nongialam ka MAWU, ka dei hadien ba ki la iohi ia ka jingtrei shitom ki MAWU bad kiba la ki lah ban iakren bad pynioh ia ki Pisa ba sahkut naduh u snem 2012 ka ba dei ka ABS bad MMBS.

Ha kajuh ruh ka por, ki la pynpaw ia ka jingsnew nguh ia ki nongialam ka MAWU, ka dei ruh ba ki la lah ban pynioh ia ka fixed pay ka ba 2000 tyngka shibnai na ka sorkar jylla bad dei halor kata ka nongrim kaba la pynlong ia ki ASHA Umden unit, ba kin pynkup burom ia ki MAWU, da ki jingai sngewbha da ki momentous bad kiwei ki jingai sngewbha sha ki nongialam ka MAWU.
Ha katei ka sngi, kaba ki ASHA Umden ki la pynkup burom ia ki nongialam ka MAWU, na ka liang u MLA Nongpoh ruh u la pynkup burom lem ia kitei ki MAWU, da kaba ai sngewbha da ka pisa lem bad shibun kiwei ki tiar jingdonkam jong ki MAWU.