Shillong: Ban ai mynsiem bad pynshlur ia ki nongialehkai ka West Jaintia Boxing Association (WJBA) hynnin ka sngi ka la pynkup burom ia ki rang iakura kiba la khur takma ha ka rynsan ialehkai “Meghalaya Game 2020” ba la pyniaid da ka Meghalaya State Olympic Association ( MSOA) ha ka 17- 21 tarik u Rymphang ha Shillong.
Ia ka jingialang pynkup burom la pynlong ha iing sah u Vice President ka WJBA u Bah Wanbait Ksoo ha Ladthadlaboh, Jowai ha ka jingdonlang u Bah J Treilang Suchiang, MDC ka 16- Shangpung Constituency bad ki dkhot jong ka WJBA.
Ka WJBA ka la sei 8 ngut ki khynnah ban mihkhmat sha ka ‘Meghalaya Games’ na kine u Badonkupar Synnah u la khur ia ka takma ksiar ha ka kyrdan kaba 60 kg bad u Bhakupar Sungoh u la khur ia ka takma rnong ha ka kyrdan ba 69 kg na ki shynrang.
Ia kane ka kynhun la ialam da u Wanbait Ksoo kum u Coach bad u Jal Lyngdoh kum u Team manager. Kane ka long katkum ka kyrwoh khubor ba la pyllait da u DR Michael Buam, General Secretary, WJBA.
Phi don ban ong eiei?